| تبليغات | X |
مراسم سالگرد درگذشت سهند افشاری فعال حرکت ملی آذربایجان تحت فضای شدید امنیتی
امروز جمعه 18 اسفند، مراسم سالگرد درگذشت شادروان سهند افشاری، فعال حرکت ملی آذربایجان در حالی برگزار شد که جو شدید امنیتی بر خیابانها و کوچه های منتهی به مسجد محل برگزاری مراسم حاکم بود؛ بطوریکه دهها اتومبیل پلاک شخصی که در داخل آنها نیروهای امنیتی لباس شخصی نشسته بوده اند که در اطراف محل برگزاری مراسم در حال گشت زنی و ایجاد جو سنگین امنیتی نموده بودند. هنوز اطلاعاتی از دستگیرشدگان احتمالی این مراسم بدست نیامده است. با همه این اقدامات صدها نفر از فعالان حرکت ملی آذربایجان و از دوستان و یاران صمیمی مرحوم سهند افشاری بصورت پرشکوه در این مراسم حضور به هم رسانیدند و یاد و خاطره عزیز از دست رفته خود را گرامی داشتند.
لازم به ذکر است، مرحوم سهند افشاری سال گذشته بر اثر حادثه رانندگی در جاده اردبیل – آستارا دیده از این جهان فرو بست.
كوچه لرده يئل اسير
سازاق اتيمي كسير
آيريليقلار ايچينده
اؤلوم يامان تله سير
دومان داغي آليب دير
چيچك لر ساراليب دير
دئييرسن بس تبريزده
داها دؤزوم قاليب دير
سهند تبريزدن گئتدي
گئديب گؤزلردن ايتدي
ائل گولونون دؤشونده
آيريليق گولو بيتدي
تبريزيم آغلاييب، ساچلارين يولما
سهندين اؤلمه ييب،
ايگيدلر اؤلمز
18/12/1385
ائل قارتالی
يازان: حوسئين اؤزگور
كوچه لرده يئل اسير
سازاق اتيمي كسير
آيريليقلار ايچينده
اؤلوم يامان تله سير
دومان داغي آليب دير
چيچك لر ساراليب دير
دئييرسن بس تبريزده
داها دؤزوم قاليب دير
سهند تبريزدن گئتدي
گئديب گؤزلردن ايتدي
ائل گولونون دؤشونده
آيريليق گولو بيتدي
تبريزيم آغلاييب، ساچلارين يولما
سهندين اؤلمه ييب،
ايگيدلر اؤلمز
سهندين اؤلومو هاميميزي سارسيتدي، آما هاميدان چوخ آنا تبريزين بئلين بوكدو. اييلمز تبريزين بئلين بالالاريندان باشقا كيم بوكه بيلر؟ كيم ساچلارين آغاردا بيلر؟ بوگون تبريز ياسلي دير. تبريزين ايگيد بالاسي سهندين يوخلوغونا يالنيز تبريز يوخ، بوتون آذربايجان اينانمير! سهند اؤلمه ييب، سهند ديريدير.
دوشونجه ميزين قارتاللاريلا ائل ذيروه سينده اوچوشدادير، بلكه ده قارانقوشلار قاييداندا قاييتدي! آما اينانين سهند داها يوخدور. مهير سهند اولسايدي بيز بوگونه قالارديق؟ يوخ! سهند بيزي اوزو گولر ايستردي، بيزده سهندي. آما نه سهند بيزي گولدوردو و نه بيز اونو تاپا بيلديك. "ياسلي ساوالاني" گؤروردوك و سهندين شنلي اولدوغونا سئوينيرديك، سهندده بيزي ياسلي ائله دي. بوگون بيز يوخ "سهند ياسلي"دير. گونشده باتدي، سهند يوخلوغونا اينانديق. سهندين باشينا ياغان قارلار اؤزوده آغاريب. آذربايجان اؤز قوينوندا سهند بالاسين ايتيردي.
بيليرسن مي آي سهنديم
گونش باتير
ساري يارپاق غاج آلتدا
باش تورپاغا قويوب ياتير
بيليرسن مي آي سهنديم
بوگون سنسيز گونش باتير
بيليرسن مي؟
يوخلوغونا گونش باتير
ایتحاف اولونور اونودولماز سهندیمیزه:
او آجی اولایدان دوز بیر ایل کئچدی
آخشام چاغی دیر؛ گونش باتماق حالیندادیر. گونشین باتما زامانی دویغولو بیر زامان دیر. آما نه بیلیردیق کی بئلنچی بیر چاغدا عزیز دؤستوموزون یاشاییش شمعی نین سؤنمه خبری بیزه گلیب چاتاجاق و او آخشامی بیر حوزونلو آخشاما چئویره جک.
دوز بیر ایل بوندان اؤنجه بئلنچی بیر چاغدا سهندین دونیادان کؤچمه خبری منه گلیب چاتدی. "سهند بیر اتومبیل اولاییندا دونیاسینی دئییشدی". خبری ائشیتدیگیم زامان ائله بیر دونیا باشیما فیرلاندی. هئچ نه اینانا بیلمه دیم. اؤز اؤزومه دئدیم: بلکه خبر دوغرو دئییل، بلکه سهند هله ساغ دیر، بلکه، بلکه ...
آما یوخ، آجی خبر تئز یاییلار. بو آجی خبرده ائله بیل کی اؤز قارانلیغی ایله گونشین باتماسین نئچه ساعات تئزه سالدی.
اؤزومه گلن زامان آنلادیم کی خبر دوغرودور. کئچمیش ده کی خاطیره لر یادیما دوشدو. هر بیری اؤزونه گؤره نیشتره بنزه ییردیلر کی هم کؤنلومده او شیرین گونلری خاطیرلادیردی و همده بئلنچی بیر خاطیرالارلا و او خاطیره لرین بیر سببکارینین الدن گئتمه سین یادیما سالیب و کؤنلومه اود یاخیردی.
دوغرودان کی بو ایتگی نی یئنه اینانماق اولمور. ائله "ووقار نعمت" دئمیشکن:
سهند اؤلدومو!؟
یوخ اینانمایاجاغام بونا
بو اؤلومه اینانماق اؤلوم کیمی چتین دیر
من اینانمایاجاغام، ای دوست!
هئچ بیر دوست اؤلومونه
اؤزوم اؤله نه کیمی
سهندین چالیش مالاری سس سیز آما اؤز آدینین صاحیبی کیمی گوجلو ایدی. بو نا گؤره ده بو بیر ایلده یقین هر یئرده سهندین یئری بوش گؤرونوردی. او کیشی اؤز چالیشیقلاری ایله بیزه بونو ثابیت ائتمیشدیرکی گره ک هئچ زامان اؤز چالیشیقلاریمیزدان ال چکمه یه ک. آما بو بؤیوک دوستوموزون روحی یئنه بیزیمله دیر و بیز ایله یاشایاجاق و بیزده گره ک هر زامان سهندین آدینی و یادینی کؤنلوموزده ساخلایاق و دئیه ک: سهند، دوستلار سنی هئچ زامان اونوتمایاجاق لار.
سهند سن کؤنلوموزدن ده یوخاری، آذربایجان سماسیندا سؤنمز بیر اولدوز اولدون.
آیتان تبریزلی (آذراوغلو)
۱۷/۱۲/۱۳۸۵
رحمتلیک « سهند افشاری » ین شعرلریندن بیر سیراسی
حسرت
منی آنادان اولما میشدان اونجه
یول اوسته قویدولار
اونداندی کی یوللار یولچوسویام
یوللار یورقونویام
یوللار وورغونویام
هله . آنا سوتون دادین آنمامیش
سوتو کسدیلر منه
اونداندی کی حسرتله دولغونام
آنا یوزونه حسرت
آنا دیلینه حسرت
آنا وطنیمه حسرت
صبریم بیتمه دن
ایللردی کی بو حسرتی اوزومله داشیییرام
………………………………………..
بیز اوچ یولداش ایدیق
بیز اوچ یولداش ایدیق،
من، تانری، بیرده سیگارام
اول من یاناردیم،
سونرا سیگارام یاناردی،
تانریم باخاردی
یولون سونوندا،
اول من اؤلدوم،
سونرا سیگارام سؤندو
اوچوموزدن بیریمیز قالدی،
تانری کیمسهسیز قالدی
او زامان،
او زامان تانری آنلادی،
آنلادی،
آغلادی
مزاریم اوسته یاش تؤکوب قورتاردی.
*- سهند بی افشاری اویرنجی حرکاتینین تانینمیش بیر اویه سی اولموشدور. آللاه اونا رحمت ائله سین.
بو شعرلری سهندین خاطیرینه اوخویاق:
نه وارسا دونیادا بیر رویا دئمک
بیر آز داها یاتیب، بوش وئرمک گره ک
هر شئیین چاره سی، سئومک دیر سئومک
حایات دوام ائدییوردا
ان گوزل شئی موتلو اولماق
گئده جه ییز چیریم چیلپاق
حایات نه قریب، حایات چوخ قریب
یالان اولور بیر گون یالان
یاشادیغیم آشقیم، سئودام
یاراداندیر باقی قالان
حایات نه قریب، حایات چوخ قریب
گون گلیر یالنیزلیق قورخوسو چوکر
حایات فیلیم کیمی، سون یازار بیتر
درد ائتمه کندینه، گولومسه یئتر
حایات دوام ائدییوردا
ان گوزل شئی موتلو اولماق
گئده جه ییز چیریم چیلپاق
حایات نه قریب، حایات چوخ قریب
یالان اولور بیر گون یالان
یاشادیغیم آشقیم، سئودام
یاراداندیر باقی قالان
حایات نه قریب، حایات چوخ قریب
دْوست
ازل باهار اولمايينجا، قيرميزى گول بيتمز ايميش،
قيرميزى گول بيتمه يينجه، دردلى بولبول اؤتمه ز ايميش.
بولبول هوسلى اؤتمه يه، ساريليب گول له ياتماغا
باخچابان گولو ساتماغا؛ گول قدرينى بيلمز ايميش.
باخچابان ساتما بُو گولو! حرام دير پاراسى پُولو
آغلاتما دردلى بولبولو!، گوزياشینى سيلمز ايميش.
جان ختايیم! اؤلمه يينجه، تنين تْورپاق اْولمايينجا
دْوست دْوستدان آيريلمايينجا، دْوست قدرينى بيلمز ايمش!
گلمه دی
دورنام اوچدو گئتدی اوزاق ائللره
گئتدی بیلمم هاردا قالدی گلمه دی!
چوخ یالواردیم آشیب داشان سئللره
اوجا داغلار، دومان آلدی گلمه دی!
دورنام اوچدو منیم بوینوم بوکولدو
خزان گلدی گؤی یاپراقلار توکولدو
لاله سولدو، یازین باغری سوکولدو
بولبول اؤلدو، گول سارالدی گلمه دی!
داریخما
هاچانسا قاییدیب گله جه یم من
بیر داها دانیشیب گوله جه یم من
گؤزونون یاشینی سیله جه یم من
حسرتله آغلاما، حسرتله باخما
سئوگیلیم داریخما، گولوم داریخما!
بو دونیا یاماندیر چوخ قورخولودور
یاخشیبلیق بیرذره، پیسلیک دولودور
سونونجو یولوموز اؤلوم یولودور
آماندیر سن منسیز بو یولا چیخما
سئوگیلیم داریخما، گولوم داریخما!
اوزاقدا اولسامدا یانیندایام من
فیکرینده روحوندا جانیندایام من
لاپ سنین قلبینده، قانیندایام من
اؤزونو اله آل، قلبینی سیبخما
سئوگیلیم داریخما، گولوم داریخما!
کرج شهرینده سهند و دوستلارلا برابر ادبی شعر مجلیسینه قاتیلما خاطره سیله بو شعر سهندین اؤلمز روحونا سونولور:
دمیر یولوندان
بیر ترن کئچیر
اوتورموشوق ایچینده:
سن، من، گون باتان چاغی
تورونجو، یاشیل
تپه لر، آغاجلار
یاخین لار، اوزاق لار ...
هر گون باتاندا،
بیز او ترن له کئچیریک
"ناظیم" ین شعرین اوخویاراق.
گونشین قانی آخیر کیتابیمیزا
گولوروک، آغلیریق
شعردن شعره کؤچوروک، کئچیریک
بیر ترن دورور
سون دوراغیندا.
آچیق قاپیلار دولو ازدحام
بیز غایب اولموشوق سانکی اورتادان
"روزیار آتلی" آتلی لار کیمی
کیم بیلیر هارا!
هر گون باتاندا
بیر باخیش کئچیر
دمیر یولوندان.....
شعر : لیلا کحالی
25/4/82
سهند اؤلدومو؟!
یوخ اینانمایاجاغام بونا
بو اؤلومه اینانماق اؤلوم کیمی
چتین دیر
من اینانمایاجاغام، ای دوست!
هئچ بیر دوست اؤلومونه
اؤزوم اؤله نه کیمی
ووقار نعمت
سهندین عشقی قوشا
یئری قالیب دیر بوشا
آخیر سؤزو بو ایدی
یاشا وطنیم یاشا
یارپیز گولو سارالدی
هاوا توتدو قارالدی
آیریلیق یئلی اسدی
سهندیمی آپاردی
ساعات قاباغی
وطن یاناغی تبریز
سهندین داها گلمیر
سسی سوراغی تبریز!
جامال فیض الهی
