| تبليغات | X |
بسمه تعالي
درخواست آزادي فوري و بيقيد وشرط «محمد فرشي» از طرف مجمع دانشگاهيان آذربايجاني
اگرچه همواره سياست مجمع دانشگاهيان آذربايجاني اين بوده و است كه مسائل و مشكلات پيش آمده را چه در سطح تشكيلاتي و چه در سطح حركت عدالتخواهانه ملي آذربايجان با طمأنينه و بهدور از جنجال آفريني حل و فصل نمايد، ولي اين سياست هميشگي سبب نگرديده است كه لحظهاي در آنچه كه به آن ايمان و اعتقاد داريم، درنگ و كوتاهي نماييم و در مقابل بيقانونيها و بيعدالتيها نايستيم.
در حالي غم از دست دادن دوست، يار و همسنگر خستگي ناپذيرمان مرحوم «سهند افشاري» بيش از همه دل ما را در مجمع داغدار نمود و هنوز هم كه هنوز است رحلت آن عزيز براي ما غير قابل باور است، برخوردهاي غيرقانوني به هنگام برگزاري مراسم ترحيم آن مرحوم بويژه تحت فشار قرار دادن خانواده داغديده افشاري، اصرار بر عدم نصب پلاكارتهاي تركي در داخل مسجد، فيلمبرداري از صدها عزادار داخل مسجد و ... كه نشان از بيتدبيري و سردرگمي دارد، ما را رنجيده خاطرتر كرد.
در اين ميان، دستگيري و بازداشت دوست عزيزمان «محمد فرشي» كه به علت فيلمبرداري از مراسم عظيم مرحوم سهند افشاري صورت گرفته است، برخورد غيرقانوني ديگري است كه عليرغم گذشت 48 ساعت از وقوع آن پايان نيافته و خانوادهاي را از داشتن پدري در كنار خود به هنگام آخرين چهارشنبه سال محروم كرده است.
مجمع دانشگاهيان آذربايجاني ضمن درخواست آزادي فوري و بدون قيد و شرط آقاي «محمد فرشي» اعلام ميدارد كه در صورت عدم تحقق اين خواسته، مسئله را از طريق مراجع قانوني بالادست بويژه نمايندگان مجلس، كمسيون امنيت ملي مجلس و ... پيگيري خواهد نمود.
24/12/1384
مجمع دانشگاهيان آذربايجاني
دستگیری سه تن از فعالین حرکت ملی آذربایجان بعد از مراسم مجلس ترحیم سهند افشاری
به گفته مهندس امانی 3 تن از فعالین حرکت ملی آذربایجان پس از مراسم مجلس ترحیم سهند افشاری بازداشت گردیده اندوچندین نفر نیز احضار گردیده اند.
احتمالا این دستگیریها به خاطر جلوگیری از تحرکات حرکت ملی آذربایجان در آستانه مراسم چهارشنبه سوری است.
اطلاعات بیشتر بعدا ارسال می گردد.
سه نفر دیگر در تبریز بازداشت شده اند
بر اساس گزارشی از تبریز محمد فرشی ، محمد شکری و اوختای (محمد)حسینی از شرکت کنندگان در مجلس ترحیم سهند افشاری در روز دوشنبه ۲۲ اسفند در مسجد امام زمان تبریز ، پس از خروج از مراسم دستگیر و تا کنون خبری از ایشان در دست نیست.محمد فرشی در مقابل مسجد در داخل اتومبیل شخصی خود دستگیر شده است و دوستانش اتومبیل او را در چهارراه حافظ پیدا کرده اند.پس از گذشت دو روز از دستگیری هیچکدام از بازداشت شدگان با خانواده خود تماس نگرفته اند.
کئچمیشدن بیر خبر: (سهندین یادینا)
….سهند افشاری از فعالان حرکت ملی آذربايجان از شرکت کنندگان در مراسم صفرخان توسط مأمورين امنيتی دستگير شد. (15/8/83 )
برگرفته از گزارش ماهانه (آبان1383) در مورد نقض گسترده ، مستمر و برنامه ريزی شده حقوق بشر در ايران
سنهد بی افشارینین یاس توره نیندن بیر گزارش
بو گون آذربایجان میلّی فعاللاری اوچون آجی و آغیر بیر گون ایدی. آخی اونلار بیر بؤیوک موباریز و یولداشلارین تورپاغا تاپیشیریردیلار .
سهند افشاری ایللر بویو وطن اوغروندا چالیشان ایگیت لردنایدی کی جوما گونو ایسفند آیینین 19وندا اردبیل- آستارا یولوندا بیر ترافیک قضاسندا حیاتین دگیشدی. بو حادیثه هامینی حئیرته دالدیرمیشدی .
آخی نئجه اولا بیلر؟ یانی داها سهندی دوغرودان گؤرمهیهجهییک؟
اؤنجهدن پلانلادیغی کیمی بو گون یکشنبه ساعات 10:30دا دینی تکلیفلر ادا اولوناندان سونرا ،سهندین قوتسال جنازهسی مزارا طرف تشییع اولوندو و توپراغا تاپیشیرماق مراسیمیندن سونرا حسن آغا دمیرچی ، مهندیس صرافی ، مهندیس امانی ، چنگیز بگ بخت آور ،ستار دادخواه ، یاشار کرمی ، حسن ارک و نوید محمدی دانیشیقلار آپاردیلار.
مراسیمین سونوندا سهندین چوخ سئودیگی آذربایجان میلّی مارشی اوخوندو.
ناهاردان سونرا ایسه شام غریبان تؤرنی ایمام زمان مسجیدینده چوخ طمطراقلی و سامباللی کئچیریلدی و اونون یادی عزیز ساخلاندی.
تبریزده رحمتلیک افشارلی نین یاس توره نلریندن سون خبر:
یانی دوغرودان داها سهندی گؤرمهیهجهییک می؟!
بو گون آذربایجان میلّی فعاللاری اوچون چوخ آجی و آغیر بیر گون ایدی.
اونلار بو گون افشارلی سهند کیمی بیر بؤیوک موباریز و آرخاداشی تورپاغا تاپیشیریردیلار.
سهند وطن اوغروندا، ایللر بویو ان چالیشان ایگیت لردن بیریسی ایدی. او جوما گونو ایسفند آیینین 19وندا اردبیل- آستارا یولوندا بیر ترافیک قضاسیندا حیاتین دگیشدی. بو آجی حادیثه هامینی حئیرته دالدیرمیشدی .
آخی نئجه اولا بیلر؟ یانی دوغرودان داها سهندی گؤرمهیهجهییک می؟!
اؤنجهدن پیلانلادیغی کیمی بو گون شنبه، ایسفند ایی نین 20 سینده، ساعات 10:30دا، دینی تکلیفلر ادا اولوناندان سونرا، سهندین مطهر جنازهسی رحمت وادی سینده، میند ن آرتیق چالیشقان تورکون قاتیلماسی ایله مزارا طرف تشییع اولوندو.
توپراغا تاپیشیرما مراسیمیندن سونرا حسن آغا آذربایجان(دمیرچی)، مهندیس علیریضا صرافی، مهندیس غولامریضا امانی، چنگیز بخت آو، ستار دادخواه، یاشار کرمی، حسن ارک و نوید محمدی سهند بی افشارلی نین میللی دوشونجه سیندن و دویوشوندن آذربایجان وارلیقلاری یولوندا دانیشیقلار آپاردیلار.
مراسیمین سونوندا ایشتیراکچیلار بیرلیکده، سهندین چوخ سئودیگی آذربایجان میلّی مارشی نی اوجا و حزین سس ایله اوخودولار.
گون اورتادان سونرا ایسه، شام غریبان تؤرنی، ایمام زمان مسجیدینده چوخ طمطراقلی کئچیریلدی و افشارلی سهندین یادی و آدی عزیز ساخلانیلدی.
شوبهه سیز بو چالیشقان و دیره نیشچی تورکون بوش یئری آذربایجان میللی حرکتینده هئچ زامان دولمایاجاغدیر.
ن. م... تبریز
عاجیل خبر
سهند افشاری نین جیسمی تبریزین توپراغینا امانت وئریلدی
بو گون ایسفند آیی نین 20سینده، ساعات 12 جیواریندا، سهند بی افشاری نین یارالی جیسمی، رحمت وادی سی مزارلیغیندا، قوجامان تبریزین مطهر توپراغینا و اودلار یوردونون سیجاق قوجاغینا، امانت وئریلدی
بو تورنده، مین دن آرتیق تبریزین و یاخین شهرلرین چالیشقان تورک ایگیدلری ایشتیراک ائتمیشدیرلر
آلدیغیمیز سون خبرلره گوره ساعات 12.15 دقیقه یه دک، بو آجی تورنده حسن بی آذربایجان، علیریضا بی صرافی،غولامریضا بی امانی، نوید بی محمدی و حسن بی ارک دانیشیبدیرلار
ایندی ایسه سهندین میللی دوشونجه سین عزیزله مکدن اوترو سهندین آرخاداشلاری، خالق ایله بیرلیکده، میللی مارشی اوخویورلار
آذربایجان سن سن منیم ..... عولوییتیم شان شوکتیم
آدین منیم اوز آدیمدیر ..... سن سیز منیم نه قیمتیم
.....
یانیمدا اولاندا هئچ دوشونمه دیم گئده نده آنلادیم سئویردیم سنی
بابک قوجااوغلو
خبر لاپ بیر آندا قولاغیما توخوندو . اینانمامالیدی . اولا بیلمه ین بیر ایشی اولموش سانیردیلار هامی ...
_ سهند دونیاسینی دئییشیب ...
اوچ کلمه ده خلاصه اولدو بوتون وارلیغیمیزین شیرین وجودو . سحر هامی اینانماز اورکلرله مزارا ساری یولا دوشدولر . اینانین کی هله اونون قبیر ایچینده اوزونو گؤره ندن بری ده یئنه اونون اؤلومونه موطلق اینانا بیلمیرم . هامیسی سانکی بیر آجی کابوس و نه سئوینردیم اگر آییلایدیم بیردن و گؤره یدیم سهند یئنه ده منیم چون مئساج گؤنده ریب . نه گؤزل شعر اوخویاردی ، نه گؤزل دانیشیب گولردی . هئچ اسن یئللره ده توخونمازدی او . هامی سی بیر آن . توپراغا تاپشیریلدی . هامی آغلاییردی . کیمسه سی گؤز یاشی تؤکمکدن اوتانمیردی . آنجاق من هنچ آغلامادی و اولسون کی سهند اوچون موطلق آغلامایاجاغام . آخی بیریسی تاپیلیب بونلارا دئسین کی دیرییه آغلامازلار . سهند اؤلمه ییب . باخ ائله لاپ یانیمیزدا یاشاییر . بیر آز یاخشی باخسانیز اونون گولوشلرینی گؤره رسینیز و بیر آز سس سیز اوتورساز اونون شعر زمزمه لری قولاغینیزا دیر . ائله دونندن دونیا بیر سینئما کیمی بوتون خاتطیره لری آن به آن گؤزومون اونونه چیخاردیر . هارالار دا کی بیرلیکده دئییلدیک ... هئچ سهند سیز دولانماغین ، شنلییین و تؤره نلری معناسی یوخ ایدی . یادیمدا گئجه لر اولموشدو کی ساعات 1 ده هله بیز خاقانی پارکیندا اوتوروب چای ایچیب سونرا تبریزین دولانبا دولان کوچه لرین گزیب او قارا گؤزلره ماهنی خاطیرلامیشدیق و بو گون ده نه اولدو کی هامی کوچه لره سو سپدی کی او گئدنده توز اولماسین . سهند هز زامان یانیمیزدایدی . گئجه لر ، گوندوزلر ...
هه ... نه قدر آجی اولسادا ، اینانماساق دا ، سهندین اوزونه گؤرمه یه جه ییک . او گئتدی بیزلر چون نئچه نئچه خاطیره قالدی . آنجاق آذربایجانیمیزین و بوتون سهندی سئونلرین باشلاری ساغ اولسون . سهندی سئویریک سه اونون یولونو داوام ائتدیرمک گره ییمیزدیر . او آنجاق او زامان راحات یاتا بیلر کی بیزلر بو یولون ان دیرلی داوام چیلاری اولاق ....
تبریز - شنبه 1384
آي منيم شانلي سهنديم
بيزي يانديرير ،يامان آيريليق بوداريخديران دومان آيريليق
باشا ساويرير سامان آيريليق آمان آيريليق ،آمان آيريليق
آغلا تبريزيم ،قان آغلا .بو گون بير ايگيدينده سسسيزجهسينه سندن آيريلدي و بو گون بؤيوک تورک دونياسي سنه باش ساغليغي دئيير .آخي سن سهند عظمتلي ، آذربايجان متانتلي و تورک غئيرتلي اوغلونو ايتيردين. او اوغلون کي سنين درديني ياخشي بيليردي و سنين درديندن گئجهلرده ياتماييردي .
آي تبريزين دولان به دولان کوچهلري داها سيز سهندي گؤرمهيهجکسيز....
داها اونون مظلوم گؤزلري ، نيگران باخيشلاري سيزده ياش تؤکمهيهجک.
بوستانام تاغيم آغلار
غمدن ياپراغيم آغلار
ساغام اوزوم آغلارام
اؤلسم توپراغيم آغلار
تبريزيم بيليرم اورگين ياراليدير ،آغير ايتگيلردن نامحرم باخيشلاردان ،چيرکين يالانلاردان و وطن چؤرگين يئييب وطني ساتانلاردان.
آنجاق بو گون سنه سؤز وئريرم .
سنه سهند اولانماسام دا اونون يولونون دوامچيسي اولام و اونون ياشاسين آذربايجان سسينين هارايچيسي اولام.
و ای اولو سهنديم سنين او قوتسال روحونا آند ايچيرم. سون نفسيمهدک سنين، سئوگيلين اولان آذربايجانين عسگری اولام و اونو ناپاک اللردن قورويام.
سن گئدرسن آدين قالار
دوستلار سني خاطيرلايار
دويون اولار بايرام اولار
دوستلار سني خاطيرلايار
سهنديميزين شام غريباني بو گون برپا اولوناجاق
آدرس:عباسي خياواني ، شهداء کوچهسي ، ايمام زمان مسجيدي
چاغ : بو گون ايسفند آيينين٢٠سي ، ساعات 15:30-17:3
گلمه دی
دورنام اوچدو گئتدی اوزاق ائللره
گئتدی بیلمم هاردا قالدی گلمه دی!
چوخ یالواردیم آشیب داشان سئللره
اوجا داغلار، دومان آلدی گلمه دی!
دورنام اوچدو منیم بوینوم بوکولدو
خزان گلدی گؤی یاپراقلار توکولدو
لاله سولدو، یازین باغری سوکولدو
بولبول اؤلدو، گول سارالدی گلمه دی!
داریخما
هاچانسا قاییدیب گله جه یم من
بیر داها دانیشیب گوله جه یم من
گؤزونون یاشینی سیله جه یم من
حسرتله آغلاما، حسرتله باخما
سئوگیلیم داریخما، گولوم داریخما!
بو دونیا یاماندیر چوخ قورخولودور
یاخشیبلیق بیرذره، پیسلیک دولودور
سونونجو یولوموز اؤلوم یولودور
آماندیر سن منسیز بو یولا چیخما
سئوگیلیم داریخما، گولوم داریخما!
اوزاقدا اولسامدا یانیندایام من
فیکرینده روحوندا جانیندایام من
لاپ سنین قلبینده، قانیندایام من
اؤزونو اله آل، قلبینی سیبخما
سئوگیلیم داریخما، گولوم داریخما!
کرج شهرینده سهند و دوستلارلا برابر ادبی شعر مجلیسینه قاتیلما خاطره سیله بو شعر سهندین اؤلمز روحونا سونولور:
دمیر یولوندان
بیر ترن کئچیر
اوتورموشوق ایچینده:
سن، من، گون باتان چاغی
تورونجو، یاشیل
تپه لر، آغاجلار
یاخین لار، اوزاق لار ...
هر گون باتاندا،
بیز او ترن له کئچیریک
"ناظیم" ین شعرین اوخویاراق.
گونشین قانی آخیر کیتابیمیزا
گولوروک، آغلیریق
شعردن شعره کؤچوروک، کئچیریک
بیر ترن دورور
سون دوراغیندا.
آچیق قاپیلار دولو ازدحام
بیز غایب اولموشوق سانکی اورتادان
"روزیار آتلی" آتلی لار کیمی
کیم بیلیر هارا!
هر گون باتاندا
بیر باخیش کئچیر
دمیر یولوندان.....
شعر : لیلا کحالی
25/4/82
Yashar karami
هامی تانری یا قوووشاجاق!
آيـريليـغا اينانمـازديـم سئوگيـليم، ايندي چيخدي گؤر نه بوشا اللريم!
اؤلمهسهيدين، من يانمازديم سئوگيليم، قـولتوغومدا قالـدي قوشا اللريم!
جوما گونو ایسفند آیینین 19-وايچيميزدن كؤنلو آچيق و اؤزو گولر بير دوستوموز، آذربايجانين ايگيد اوغلو، گنج شاعير و ميلي حركت وورغونو و داها دوغروسو اورگيميزين پارچاسي سهند افشاری جنابلاري واختسيز اولاراق كؤچوب، گئتدي. دونن وارليغينا اينانان گؤزلر بو گون يوخلوغونا باخا بيلهجكمي گؤرهسن؟ آخي اونون هله نه چاغي ايدي، هانسي گونو گؤرموشدو كي، هانسي عؤمرو سورموشدو كي، اؤلوم يئلي آليب قاچدي، بير ائلين ائوين ييخيب، قاپيسين چيرپيب آيريلدي؟ ايشلريني كيمه تاپشيردي گؤرهسن؟ يوخ، او گئتمهزدي اؤز الينده اولسايدي، او هله بُي دوراجاقدي گويا، گؤرهجك بير چوخ ايشي وار ايدي گويا، اما نه يازيق اولمادي، گؤرمهدي. اؤزو ايله تورپاغا وئردي بوتون ديلكلر و بوتون ايستكلريني.
بو اوزونتولو اولاي و نيسگيللي آجي هاميميزي اوركدن يانديريب ـ ياخيب، غم دنيزينده بوغدو.
آذربایجانلی بیلی یوردلولار توپلومو بو آجی ايتكي ايله باغلي بوتون آذربايجان ميلي حركت چاليشقانلارينا اؤزلليكله اونون حؤرمتلی عاییله سینه، باشساغليغي وئریب، هامینی اونودولماز ائل اوغلونون بوش يئريني دولدورماغا چاغيرير.
روحو شاد
یولو گئدرلی اولسون!
مجمع دانشگاهيان آذربايجاني
(Azbiltop)
20/12/84
11 ,Mar 2006
یاشایاجاییق
مین ایللیک اولموشدوق
دونیانین اووجوندا
بیز سیندیق
سن ایچیلدین !!
12 ایل گولر اوزونو گوردوک ، بیر یاشاییردیق یوردوموزدا جانلانان سئوگی نین ایچینده.
هله گلین پرده دن چیخمامیش ، داغلاردان بیرینین صبری جالاندی . سهندین آداشی بیر داغ : " سهند " اولدو.
بوتون گوزله نیلمزلر کیمی ، اونون گوزله نیلمز اوچوشونون توزوندا ایتمیشیک،یاش دامجیلاریمیزدیر دانیشان .
آرتیق صاباح آچیلاجاق ، بیز واریساق.
یاشاساق یاشاتمالییق چییین لری سئوگی یوللاریندا تاپدالانمیش " سهند " ی.
کیم بیلمه ییر ، باشی اوجا یاشایانلارین باشی اییلمز ، بیز اونونلا آیاقلاشمالییق.
بو آجینی باش ساغلیغی وئره رک ، دونیانین هر بیر بوجاغیندا یاشایان بوتون سویداشلاریمیزی ، میللیت چی ایگیدیمیز " سهند افشاری " نین خاطره سینی عزیزله مه یه چاغیریریق .
اونو خاطیرلاماق و تانیتدیرماق ، دوشونجه میزین تانیتدیرماسیدیر.
اونون اوچون قورولاجاق اوتوروم لاردا سئوگیمیز بیر داها سسله نه جک.
گلین بورجوموزو اوده یه ک...
تورکون باشی ساغ اولسون.
اکبر آزاد ، یاشار ابراهیم زاده ، حسن احدپور ، فرهاد اسدی ، سعیده اسلامی ، مینا اصغری ، امیر بزرگی ، جواد بویه ، عیوض بیات ، سعید پورزعفر ، ریحانه پورغنی ، ابراهیم جعفرزاده ، علیرضا جوانبخت ، یاشار حکاک پور مراغی ، باریش حیدری ، لیلا حیدری ، حسن راشدی ، حسن رحیمی بیاتی ، جمشید زارعی ، سید رسول سمیعی نژاد ، بهروز صفری ، فرزاد صمدلی ، عطیه طاهری ، عطا عباس زاده ، رضا عباسی ، عبدالله عباسی جوان ، جلیل غنی لو ، غنی غنی لو ، امیر فضلی ، امین فضلی ، محمود فضلی ، محمد فیض خواه ، حجت قاسملو ، سعید قاسمی ، صالح کامرانی ، مینا کهربایی ، سعید متین پور ، علیرضا متین پور ، ایلقار مرندلی ، ودود نظام ، سعید نعیمی ، عباس نعیمی ، مهدی نعیمی
باشساغليغی
آلديغيميز آجی خبره گؤره تورک ميلتی نين دگرلی اوغلو و آذربايجان خلقی نين ميلی موباريزی سهند بيگ افشارلی ترافيک قضاسيندا فوت ائتميشدير! آذربايجان فدرال- دموکرات حرکاتی بو آجی ايتگينی بوتون سويداشلاريميزا و سهند بيگين حؤرمتلی عايله سينه باشساغليغی وئريب و اؤزونو اونلارين غملرينده اورتاق سانير!
سئونلری ساغ ، يولو گئدرلی اولسون!
عزیزیم جانیم منیم
سهندیم جانیم منیم
سن کئشگه ساغ اولایدین
چیخایدی جانیم منیم!
نه اینانیلماز و نه آجی، هئچ بؤیله سینه بکله مزدیم. سنی بؤیله تئز ایتیردییمه هئچ فیکیرلشه مزدیم. نه آجی، نه کدرلی، نه تئز گئتدین. سنین تویونا گلیب آپاریجی اولاجایدیم،سنه شعیر اوخویاجایدیم ساناردیم همیشه.سنی دیلکلرله برابر یاشاداجایدیم. هئچ بؤیله سینه اولاماز. ندن بئله تئز آرامیزدان کؤچدون؟ ندن تئز....
سایین دوستوموز سهند افشاری دونیاسینی دگیشدی. من کدر دولو سیز دوستلاریمیزا و بوتون اورکلری آذربایجان عشقی ایله چیرپینانلارا اؤزه للیکله سهندین آغ بیرچک آناسینا باش ساغلیغی وئریب اولو تانریدان اونا رحمت دیله ییرم.
بو شعرلری سهندین خاطیرینه اوخویاق:
حایات چوخ قریب
نه وارسا دونیادا بیر رویا دئمک
بیر آز داها یاتیب، بوش وئرمک گره ک
هر شئیین چاره سی، سئومک دیر سئومک
حایات دوام ائدییوردا
ان گوزل شئی موتلو اولماق
گئده جه ییز چیریم چیلپاق
حایات نه قریب، حایات چوخ قریب
یالان اولور بیر گون یالان
یاشادیغیم آشقیم، سئودام
یاراداندیر باقی قالان
حایات نه قریب، حایات چوخ قریب
گون گلیر یالنیزلیق قورخوسو چوکر
حایات فیلیم کیمی، سون یازار بیتر
درد ائتمه کندینه، گولومسه یئتر
حایات دوام ائدییوردا
ان گوزل شئی موتلو اولماق
گئده جه ییز چیریم چیلپاق
حایات نه قریب، حایات چوخ قریب
یالان اولور بیر گون یالان
یاشادیغیم آشقیم، سئودام
یاراداندیر باقی قالان
حایات نه قریب، حایات چوخ قریب
دْوست
ازل باهار اولمايينجا، قيرميزى گول بيتمز ايميش،
قيرميزى گول بيتمه يينجه، دردلى بولبول اؤتمه ز ايميش.
بولبول هوسلى اؤتمه يه، ساريليب گول له ياتماغا
باخچابان گولو ساتماغا؛ گول قدرينى بيلمز ايميش.
باخچابان ساتما بُو گولو! حرام دير پاراسى پُولو
آغلاتما دردلى بولبولو!، گوزياشینى سيلمز ايميش.
جان ختايیم! اؤلمه يينجه، تنين تْورپاق اْولمايينجا
دْوست دْوستدان آيريلمايينجا، دْوست قدرينى بيلمز ايمش!
هامي تانريا قوووشاجاق
شاه داغيم
چال پاپاغيم
ائل داياغيم
شانلي سهنديم
باشي توفانلي سهنديم
اورهگي قانلي سهنديم
بو گون آذربايجان ميلتي، شرفلي و چاليشقان اوغوللاريندان بيري، "سهند افشاري" جنابلاريني الدن وئردي. بو آجي ايتگيني و ميللي قارداشيميز سهندين نيسکيللي دونيادان کؤچمهسين آذربايجان ميللتينه اؤزهلليکله ميللي حرکتيميزه باش ساغليغي وئريب، اولو تانريدان ناکام، گنج قارداشيميزا رحمت ديلهييب و اونون حؤرمتلي عاييلهسينه تانريدان دؤزوم ايستهييريک.
نيسکيللي بودورکي، سهند هر نه ميللي خبر اولوردو هاميدان اؤنجه SMS واسيطهسيله هامييا چاتديريردي؛ آما بو گون SMS لر سهندين قارا خبرين داشيديلار.
هابئله دئمک گرهکليدير قارداشيميزين توپراغا تاپشيرما مراسيمي شنبه گونو (20/12/1384) گون اورتادان قاباق، ساعات 5/10-دا تبريز شهرينين وادي رحمت قبريستانيندا کئچيريلهجک و ياس تؤرهني (شام غريبان) عباسي خياواني، شهدا کويي، امام زمان مچيدينده، ساعات 5/3-دان 5/5-دک قورولاجاق.
روحو شاد يولو داواملي اولسون
احمد و حميد والائي ساريسيندان
Hamid_valai@yahoo.com
19/12/1384
